Fytlowsko apokalipsa. Utropy Micyny 2 Adrian Katroshi Książka

O książce Fytlowsko apokalipsa. Utropy Micyny 2

Po rewelacyjnym przijynciu kryminalnej komedyje po ślonsku "Utropy Micyny" Adrian Katroshi prziłazi nazod z drugom tajlom!

Adrian Katroshi "Fytlowsko apokalipsa. Utropy Micyny 2". 4 tajle kryminalnych powiostek napisanych ze swadom i szpasym.

Fragmynta:

"Posadziyłach pacjynta na zesel, pod szłapa podłożyłach mu ryczka i sebułach strzewik. Dopiyro kej mu symłach fuzekla, uwidzieli my, że wele kostki wyskoczyła buła i robioł sie coroz to srogszy siniok. Zaczłach szmarować te miyjsce cinkowom maściom i chocioż Ludwikowi skirz bolu durś krziwiyła sie gymba, to wiedziałach, że hned poczuje sie lepij. Kej tym godom, to tyż chciała bych, cobyście mieli z tyj zprowki jakoś nauka i spamiyntali, jake som trzi nojwiynksze wynolozki farmakologicznyj industryje. Piyrszy to cinkowo maść, kero je dobro po prowdzie na wszyjsko, co je na zewnontrz: boloki, buły, sinioki i skora na cołkim ciele, kaj yno dostaniecie i poradzicie jom poszmarować. Niy śmiycie jij yno dować do ka, bo na szlag ślepniecie, ani do gymby, bo je gorzko. Drugi wynolozek to Amol i n je na wszyjsko driny. Jak wos boli gowa abo strzewa, mocie kopszelont abo durfal, to szluknijcie sie Amolu i hned wom sie poprawi. Trzeci wynolozek używocie, jak wos mynczy ryma, fiber, dyrgowki abo inkszo poważno niymoc, i n sie mianuje Gripex. To je richtig stary, ale tyż do porzondku wybadany medykamynt, kery jo już dowała mojim dzieciom za bajtla i n mie żodyn roz niy szydzioł. A jak kejś aptykorz bydzie wom chcioł wciś inkszy lyk, to mu powiydzcie, coby wom skoczoł na pukel. I niy dejcie se pedzieć!"

Adrian Katroshi - rocznik 1975 z Bytomia, pisze po ślonsku niy yno Ślonsku (blog Utropy Micyny, artykuły na Wachtyrzu). Autor scynariusza do filmu "Zgorszenie publiczne". Przociel ślonskij godki, filmu i heavy metalu.

Szczegółowe informacje na temat książki Fytlowsko apokalipsa. Utropy Micyny 2